| 1 | |
AF222a: 52v olduġına işāretdür ve ġıdā gündüz yėnen ṭaʿāma iṭlāq olunmaġla vaqti // gündüz olduġından kināyetdür ve Müslim ile Buḥārīnüñ [!] taḥrīrinde ḥażret‑i risālet‑ // penāh ṣallā llāhu taʿālā ʿaleyhi ve‑sellemüñ iki müʾeẕẕini var‑idi biri Bilāl ve biri İbn Amm [?] // Mektūm el‑aʿmā idi Peyġamber buyurduġi Bilāl eẕānı gėçe oqur yėyüñ ve içüñ çaq // ibn‑i Mektūm eẕānı oquyunca dėyü buyurmışlardur iki eẕānuñ mā‑beyni ne miqdār // evlā dėyü suʾāl olınduqda ol iner ve ol çıqar dėyü cevāb vėrdiler ve // Ebī Dāvud ve Ebī Serīre rivāyetlerinde sizden biriñüz eẕān işitmekle bardaġı // elinden qomasun çaq içmeyinçe dėyü buyurdılar bu mertebeye ruḫṣatdan murād // ṭabīʿat‑i ḥayvānīye ṣıyānetī degül saḥūrī riʿāyetdür [Arabic text in preparation] yaʿnī bizüm // ṣavmumuz ile sāyir ehl‑i kitābuñ ṣavmınuñ farqı saḥūrdur dėmek olur // ḥaqqında bu qadar edille‑i celīletü l‑burhān ve emr‑i ʿaẓīmü ş‑şān bu ümmete // maḫṣūṣ bir niʿmet‑i kes̱īretü l‑imtināndur terk olınacaq sünnet degüldür // ġaflet olınmaya Allāhu taʿālā aʿlam Transversely: bir kimesne maḥbūb niyyetine bu duʿāʾı bir şükūfe yāḫᵛuẕ bir qoqulu // nesnenüñ üzerine sekiz kerre oquyub üfürse ve daḫı maḥbūbuñ // eline vėrse müsaḥḥar ola ve eger maḥbūb bir ıraq yėrde olsa // bu duʿāʾı bir ḫaṭāyī kāġıda maḥbūbuñ ismiyle kendü ismini bile // yazup bir yüksek yėl ṭoqunur yėre aṣa qoya bi‑emri llāhi // maṭlūb müsaḥḥar ola bi‑smi llāhi r‑raḥmāni r‑raḥīmi // yā ḥalīmu ḏū l‑anāʾi [!] fa‑lā yuʿādiluhū šayʾun min ḫalqihī Right margin: bir kimsenüñ ṣatıluq metāʿı olsa // Şeyḫ Saʿdī rūḥı‑çün üç // yā yedi sūre‑i iḫlāṣ oqıyub // ol metāʿ üzerine üfürse // murād üzre ṣata |